Bandila giisa timaan National Flag Day

MATAG Mayo 28 saulogon sa nasod ang National Flag Day, ang Cebu City Hall nga gipangulohan ni Mayor Raymond Alvin Garcia ug Bise Mayor Dondon Hontiveros ang nipahigayon og flag raising ceremony niadtong Miyerkules, Mayo 28, 2025. 

  Ang maong kalihukan gitambungan sa mga sakop sa Philippine Coast Guard, Bureau of Fire Protection, Armed Forces of the Philippines, Masons, Knights of Columbus, ug sa Boy Scouts of the Philippines.

Ang maong kasaulogan naghandom sa labing una nga pagpasaka sa bandila sa Pilipinas human sa kadaugan sa gubat sa Alapan, Cavite niadtong 1898, pinangulohan ni Heneral Emilio Aguinaldo ug mga rebolusyonaryo nga Pilipino.

Gipasiugda ang selebrasyon pinaagi sa mga flag raising ceremonies nga gihimo sa mga ahensiya sa gobiyerno, tunghaan, ug mga yunit sa Armadong Kusog sa Pilipinas. / Juan Carlo De Vela