Ginas-gasut a flights pakairamanan dagiti opisina, pagadalan ken dadduma pay idiay Taiwan, naiparekep gapu iti Typhoon Krathon
Ben Madilynn
Naiparekep dagiti ginas-gasut a flights pakairamanan dagiti opisina, pagadalan ken dadduma pay idiay Taiwan gapu iti Typhoon Krathon.
Gapu iti daytoy, nagpalagip manen ti gobierno sadiay a kasapulan nga agbakwit dagiti indibidual nga asideg iti baybay, karayan ken dadduma pay a delikado a lugar.
Malaksid iti dayta, uppat a pulo ket innem metlaeng nga indibidual ti naireport a nadangran bayat maysa ti mapukpukaw idiay Yunlin, Taiwan.
Kaadduan kadagiti mapukpukaw nga indibidual ket dagiti agnanaed iti kabambantayan a paset ti Taitung, Taiwan.
Iti agdama, nakastandby metten dagiti agarup 38,000 a saldado para iti dagus a panagresponde iti kanito nga adda ti didigra bayat ti nasao a typhoon.
