Ben Madilynn
Impadamag ti Vietnamese state media ti panangraut a mapapati a napasamak iti Vietnamese fishing boat bayat nga adda daytoy iti asideg ti West Philippine Sea.
Maibasar iti report, sangapulo a tripulante ti nasao a banka ti nadunor; tallo kadakuada ti natukkolan ti saka ken ima.
Agparparang manipud iti report nga aglaylayag ti banka asideg ti Paracel Islands idi napasamak ti panangraut.
Nupay kasta, saan pay a naammuan no siasino ti akin-aramid iti panangraut.
Ti Paracel Islands ket 400km daya ti Vietnam.
Kasta met laeng ti kaadayona manipud iti kaasitgan a teritorio ti China.
Agpada nga adda claim ti dua a pagilian iti daytoy a maritime feature ngem agdama daitoy a kontrolado ti China.
Kabayatanna, awan pay ti inruar ti Vietnam ken China nga official statement mainaig iti insidente.
Siguden a pag-agagawan daitoy a maritime feature dagiti dua a pagilian idi pay dekada 70s nu sadino ket napasamak iti naval conflict a nangigubuay ti naan-anay a panagsakop ti China iti daitoy a lugar.
Iti agdama, addaan ti China iti bassit a sangladan sadiay agraman ti sumagmamano a pasdek, helipad, ken radar.
