Ben Madilynn
Pinakdaaran ti maysa kadagiti nalatak a telecommunication company iti publiko maibusor kadagiti voice phishing scams nga isu ti baro a modus operandi kadagitoy nga aldaw.
Babaen iti voice phishing ket iyam-ammo dagiti manangallilaw ti bagbagida kas opisial ti National Telecommunications Commission.
Iti daytoy baro a modus operandi, umawag dagiti scammers kadagiti mabalin a biktimada a mangibagbaga a ti numero ti selponda ket karaman kadagiti illegal nga aktibidad.
Dagiti manangallilaw ket mangala iti kuarta kadagiti puntiriada ken pangtaanda ida a maaresto no dida a makitinnulong.
Inawagan ti ahensya iti publiko a saan a mangibinglay kadagiti napateg nga impormasion kas iti personal ken pinansial a detalye da.
Maibasar iti datos ti Telco, nai-block dan iti 236 million scam messages iti uneg ti second quarter daytoy a tawen.
Katupag daytoy ti 79% a panagbaba no idilig iti 1.1 bilion a mensahe a na-block idi napalabas a tawen.
