3 nasikop tungod sa pagda og marijuana

Tulo ka mga batan-ong lalaki ang nangasikop nga nagbaton og tagsatagsa ka putos sa gituhoang pinaugang mga dahon sa marijuana, ala una sa kaadlawon, Martes, Oktubre 1, 2024, sa Brgy. Poblacion, lungsod sa Cordova.

Ang mga nadakpan mao si alyas James, 20, ulitawo, factory worker, nagmaneho sa motorsiklo ug iyang mga angkas nga sila si alyas Kenneth, 23, ulitawo, tinun-an, ug alyas Dirt, 17, tinun-an. Ang tulo pulos taga Calan 2, Brgy. Poblacion, Cordova .

Sumala sa kapulisan sa Cordova pinaagi sa ilang hepe nga si P/Maj. Joffre Grande, nagpahigayon og operasyon sa pagpara sa nangaging nagmotorsiklo ug kadudahan ang tulo tungod sa kaadlawon pa.

Gisita sa kapulisan ug nasuta nga ang mga suspek nga may tagsatagsa ka plastic nga putos nga gihuptan nga may sud sa gidudahang pinaugang dahon sa marijuana hinungdan nga gidakop ug giluwas ang menor de edad.

Gikatakda kini nga pasakaan og kaso sa paghupot og gidiling drugas. /DVG