abyasa
LAOAG CITY – Umaboten iti agarop 100 a ribo nga indibidual ti apektado ti iduduprak ti bagyo Julian iti 3 a rehiyon iti Northern Luzon.
Basar ken ni Department of Social Welfare and Development Asec. ken spokesperson Irene Dumlao, ti datos manipod iti disaster response management, nasurok a 29,000 pamilya wenno nasurok a 99 a ribo a tattao ti naapektaran ti bagyo iti 311 a barangay iti rehiyon 1, 2, ken cordillera administrative region.
Kunana nga adda met ti 405 a pamilya wenno nasurok a 1200 nga indibidwal ti nagtalinaed iti 58 nga evacuation centers.
Agtultuloy ti pannakitinnulong ti Department of Social Welfare and Development kadagiti lokal a gobierno para iti pannakaipaay ti tulong kadagiti apektado a residente.
Makikokoordinar payen ti Department of Social Welfare and Development iti Office of Civil Defense tapno mausar ti air ken naval assets ti Armed Forces of the Philippines (AFP) tapno marespondean dagiti apektado kangrunaan na dagiti napakaroan ti bagyo iti region 2 partikular iti Cagayan ken Batanes.
