Mario Bautista
Awan ti untoward incident a nairekord ti Philippine National Police (PNP) iti umuna nga aldaw iti panagipila ti certificate of candidacy (COC) kadagiti tumaray inton 2025 midterm elections.
Segun ken ni PNP PIO Chief PCol. Jean Fajardo, maibasar iti report iti directorate for operations ket agtaltalinaed a nakappia iti kasasaad iti agduduma a lugar iti pagilian.
Nupay adda napasamak a bomb threat iti Pasig City Hall of Justice ket napaawid dagiti adda iti lugar ken naideklarar met laeng a natalged manipod iti bomba.
Maipalagip a 36,000 a polis iti inwaras iti PNP nga agmonitor iti panagipila iti COC tapno masigurado a naurnos ken natalged iti panagipila iti kandidatura dagiti agpaidasig a politiko.
