Suspek iti P24-Million textbook procurement anomaly idi 1998, nakemmeg kalpasan a naduktalan a peke ti ipupusay daytoy
Ben Madilynn
Imet itan dagiti maseknan nga otoridad ti suspek iti P24-Million textbook procurement anomaly idi 1998 kalpasan a naipagarup a pimmusay daytoy.
Naibasura ti kaso ni Mary Ann Maslog wenno ni Jessica Francisco idi 2019 kalpasan a naipadamag a pimmusay daytoy.
Inarestar ti National Bureau of Investiagsion (NBI) itay nabiit ni Maslog, kalpasan a nakaawat dagitoy iti reklamo kontra iti agnagan iti Jessica Francisco.
Maibasar iti imbistigasion dagiti otoridad, naduktalan a ti agnagan iti Jessica Francisco ken Mary Ann Masog ket maymaysa a tao maibasar iti fingerprint dagitoy.
Maipalagip a ni Maslog ket sigud publishing company agent, opisial iti Department of Education, Cuture, Sports nga ita ket Department of Education, nu sadino sumangsango daytoy iti kaso a graft a mainaig iti scam.
Sigun kenni Jaime Santiago, Director iti National Bureau of Investigasion, nagbayad ni Maslog iti piyansa para iti temporario a pannakawaya-wayana ngem nangipaulog manen ti Sandiganbayan iti arrest warrant nga awan ti nairekomendar a piyansa.
