abyasa
LAOAG CITY – Nagballaag ti Food and Drug Administration (FDA) kontra iti panaggatang ken panagusar iti unauthorized cosmetic a Porbida bleaching soap.
Segun iti FDA Advisory No.2024-1346, daytoy a produkto ket awan ti katukagna nga autorisasion ken saan a limmasat iti umno a proseso ti panangtingiting, isu a posible a posible a mangpataud iti peggad iti salun-at ti publiko.
Mainaig iti daytoy, ti pannakausar dagiti saan nga autorisado a produkto ket mabalin nga agresulta iti nakaro a parikut iti kudil, kas iti irritation, ken dadduma pay a negatibo a reaksion.
Gapu ta awan ti umdas a datos maipapan iti kinatalged ken kinaepektibo daytoy a produkto, binalakadan ti ahensia a liklikan ti pannakausar iti nadakamat a produkto.
Kabayatanna, nagpalagip ti ahensia kadagiti umili nga agannad maipapan iti panaggatang kadagiti cosmetic product ken siguraduen a nairehistroda iti Food and Drug Administration.
