Lalaki idiay England, baro a world record holder iti titulo nga Heaviest Celeriac

abyasa October 1, 2024

LAOAG CITY – Nakagun-od ti world record ti maysa a lalaki idiay England kalpasan a nakapagpatubo ken nakaapit ti kadakkelan a root crop.

Kinumpirmaran ti Guinness World Records a ni Graham Barratt ti baro a world record holder ti titulo nga Heaviest Celeriac kalpasan a naiprisentar iti Malvern Autumn Show ti naapitna a root vegetable a Celeriac nga addaan ti kadagsen a 5.8 kilograms.

Ti celeriac nga am-ammo pay kas root celery wenno knob celery ket maysa a klase ti root vegetable a masarakan iti Europe ken North America.

Naidumduma daytoy iti celery a masansan a maus-usar kadagiti salad gapu ta ti edible part ti celeriac.

Malaksid iti Celeriac, insali pay ni Graham dagiti mulana a pipino ngem saanna naatiw ti agdama a world record.