abyasa
LAOAG CITY – Pinabainan ti Converge FibeXers ti San Miguel Beermen 114-112 tapno makaala ti maysa a panangabak iti best of five quarterfinals ti PBA 49th Governor’s Cup.
Kinamat ti FiberXers ti 27 points deficit-da iti ay-ayam tapno mapuersa ti serye iti Game 4 a naiyuswat iti Ninoy Aquino Stadium idiay Manila.
Iti nabatbati nga innem a segundo ket nagtabla iti 112- ti ay-ayam agingga a maiserrek ni Alec Stockton ti buzzer-beating jumper.
Gapu iti daytoy, napadayawan ni Stocton kas Best Player of the Game a nakairekord ti 20 points, walo nga assists ken pito a rebounds.
Idinto nga adda met ti 23 points, 11 rebounds ken tallo nga assists ni Justin Arana.
Inbatad ni Stockton a saan daytoy a mamati no sadinno nga inbatad ti coach-da a ni Franco Atienza a no maabak isuda ket arig awan ti mapukaw kadakuada.
Nasayang met ti inaramid a 39 points, 9 rebounds ken lima nga assists ni Eji Anosike idinto a ni CJ Perez ket addaan ti 18 points ken 10 rebounds para iti Beermen.
