abyasa
LAOAG CITY – Inyestablisar ti Food and Drug Administration (FDA) ti Technical Working Group (TWG) a “Taskforce Thomson” para iti pannakapaiget iti panangimaton ken pagannurutan iti herbal medicines ken health supplements ditoy pagilian.
Ti nasao a Technical Working Group ti mangputar kadagiti pagalagadan iti traditional medicines ken health maibasar kadagiti maipatpatungpal a linteg.
Naipanagan ti task force iti maysa nga American herbalist ken botanist a ni Samuel Thomson, ti founder ti alternatibo a medisina a nabirngasan kas “Thomsonian” ket nagbalin a nalatak idiay Estados Unidos idi maika-19 a siglo.
Gagem ti pannakabukel ti Technical Working Group a maaddaan ti nalawag a guidelines ken proseso iti pagannurutan para iti natalged, epektibo ken de-kalidad a produkto a pagtalkan dagiti gumatang.
