Ben Madilynn
Niduyog ang kagamhanan sa Dakbayan sa Talisay sa pagbangutan sa pamilya ni kanhi Bise Mayor Alan Bucao tungod sa kamatayon sa iyang kapikas nga kapitan sa Barangay San Isidro, Marrieta Bucao niadtong Dominggo, Mayo 18, 2025.
Atol sa session niadtong Martes, Mayo 20, 2025, ang konseho nipalabang og resulosyon nga niila sa kinabuhi ug legasiya ni Kapitan Bucao nga nahimo kanhi nga presidente sa Association of Barangay Council (ABC) sa Talisay.
“Whereas, during her tenure of service , she championed initiatives that promoted the interests of the vulnerable sectors of our community, fostering growth and unity in our city, thereby leaving a lasting impact on those who had the privilege to work alongside her,” tipik sa resolusyon sa konseho.
Sa iyang bahin, si Mayor Samsam Gullas nipaabot sab sa iyang pahasubo pinaagi sa iyang Facebook post.
“I was deeply saddened to her of the passing of former City Councilor and now, Barangay Captain of San Isidro, Kap Yehyen Bucao. Her loss is not only left her family and love ones but by all San Isidrohanons and Talisayons whom she served with such passion and dedication,” kabahin sa post ni Gullas.
Ang patay nga lawas ni Kapitan Bucao anaa gihaya sa lokal nga punerarya sa Imus Road sa Barangay Lorega San Miguel, Dakbayan sa Sugbo. /VLM
Source: Kapitan sa San Isidro, Talisay City mipanaw
