Meiko Montefalco, ibinahagi ang umano’y pagkompronta sa asawa: “He was caught”

– Ibinahagi ng content creator na si Meiko Montefalco ang umano’y pagkompronta niya sa kanyang asawa

– Matatandaang minsan nang naibahagi ni Meiko ang naging isyu nila ng kanyang mister

– Nakuha umano niyang magpatawad noon subalit makikita sa video nito kamakailan na tila naulit ang ‘di umano’y dating nagawa ng mister

– Sa ngayon, umabot na sa 4 million ang views ang naturang video

Gumulantang sa kanyang mga followers ang video ng content creator na si Meiko Montefalco ng ‘di umano’y pagkompronta niya sa kanyang mister.

Sa kanyang Facebook reels ng May 22, nakipagbitaw ng mga salita si Meiko na tila patungkol umano sa pagkahuli niya sa asawa.

Aniya, nagawa lamang niyang i-record ang video bilang ebidensya lalo na at nagawa pa umano niyang magpatawad noon dahil wala pa raw siyang sapat na kaalaman at impormasyon sa nangyari.

Matatandaang minsan na niyang naibahagi ang noo’y pinagdaanan ng kanilang pagsasama ng kanyang mister subalit matatandaan din na sila’y nagkaayos din.

“I decided to record this confrontation to serve as my evidence. I was able to forgive before because I didn’t know anything. Asawang walang alam at naniwala sa mga palusot at kasinungalingan.”

“I accepted all of the unclear explanations. I was blind of all the loopholes. I didn’t have enough evidence to prove that he really did cheat. I did not know the extent of his sin.”

Dagdag pa ni Meiko, nagawa lamang niya noong magpatawad alang-alang sa kanilang kasal lalong-lalo na para sa kanilang mga anak.

“All in the name of marriage and our kids, I forgave. But now that I found out everything on my own. Now that he admitted it because he has no choice. He was caught.”

Aniya, tila pinagsisisihan din niya ang pagpapatawad sa mister noon na sana’y hindi na lamang daw niya nagawang patawarin sa unang pagkakataon.

“It is over. It is over. Kadiri kayo. Ang bababoy niyo. Y’all are free to judge me. I’m just a wife who forgave.. and realized I shouldn’t have. Enjoy the show everyone.”

Umabot na sa 4.4 million views ang naturang video, wala pang 24 oras mula ng kanya itong mai-post.

Narito ang kabuuan ng kanyang video:

Nagsimulang makilala si Meiko sa TikTok noong 2020 sa ilalim ng username na @mastermeiko. Sa kanyang consistent at engaging na mga video, mabilis niyang nakamit ang higit sa 4.4 milyong followers at average na 234,000 views kada post. Ang kanyang TikTok content ay may halong aliw, kaalaman, at inspirasyon na umaabot sa iba’t ibang audience – mula sa kabataan hanggang sa mga nanay.

Samantala, kamakailan ay nag-viral din ang TikTok video ng isang dating estudyante na nakita ang kanilang dating school principal sa elementary na nangangalakal ng basura sa edad na 81. Nang usisain ito ng dating dating estudyante, napag-alaman niyang ito ang ikinabubuhay ng dating namumuno sa kanilang paaralan. Wala na rin umano itong kaanak kaya naman tanging ang kanyang pangangalakal at minsang paglalako sa prutas ang kanyang pinagkukunan ng pang-araw araw na pangangailangan.