P176 nga sinsiyo hinungdan nga ex-con napriso pagbalik

Ex-convict balik sa prisuhan tungod lang sa P176 nga sinsiyo human nadakpan kay nanglungkab sa automatic tubig machine alas 12:30 sa kaadlawon Huwebes May 22, 2025, sa Purok Sili 1, Barangay South Poblacion, Dakbayan sa Naga.

Si Virgilio Cinco Gervacio, 54, dunay kapuyo, ex-convict sa kasong murder taga Fishport, Barangay Sawang Calero, Dakbayan sa Sugbo gitanggong sa Naga City Police Station.

Nireklamo ang biktima nga si Shiela Marie Villarino Cabunilas, 36, dalaga nagpuyo sa nahisgutang lugar nga gilungkab sa suspek ang iyang tubigan ug nabawi ang P176.00 pesos nga sensiyo, ug ang gigamit nga flat screw, ug stainless knife.

Ang suspek gidemalas kay nakit-an sa usa ka babaye nga residente sa lugar nga giguba ang tubigan hinungdan gitabangan kini og sumbag sa mga estambay sa lugar.

Ang suspek nabilanggo na sa kasong murder niadtong 1999 ug nakagawas pagka 2014. / GPL