Dua a barangay iti ili ti Nueva Era, na-isolate gapu iti nakaro a layus nga ituntunda ti Bagyo Julian
abyasa
LAOAG CITY – Na-isolate wenno napupok ti dua a barangay iti ili ti Nueva Era gapu pay laeng ti nakaro nga epekto ti Bagyo Julian ditoy probinsya.
Segun ken ni Mayor Aldrin Garvida adda 110 a pamilya ti napupok iti Barangay Barangubong, idinto a 335 a pamilya iti Barangay Sto. Niño.
Kunana nga iti Barangay Sto. Niño ket saan a totally a napupok sipud ta adda paglikawan da a dalan nga agturong iti ili ti Banna.
Mangnamnama ti Mayor nga agsardengen ti napigsa a tudo gapu naruay payen dagiti nadadael naga imprastruktura ken agrikultura iti lugar da.
Inpakaammu ti Mayor a ti napigsa a danom ket aggapu iti probinsya ti Abra ken iti ili ti Cabugao, Ilocos Sur nga agturong agpababa kadagiti nadakamat a barangay.
Innayon ni Garvida a sumagmamano pay a barangay iti nasao nga ili ket napukawan ti kuryente.
Kabayatanna, nagballaag ni Mayor Garvida kadagiti umili a saan nga agpangdudua nga agbakwit no masapul.
