COMELEC Baguio ken Benguet, nakasaganan iti panagrugi iti Certificate of Candidacy (COC)filing inton bigat
Ben Madilynn
Nakasaganan ti opisina ti Commission on Elections(COMELEC) iti Baguio City ken iti probinsya iti Benguet para iti panagrugi ti panangipila dagiti agngayangay iti Certificate of Candidacy(COC) dagitoy inton bigat.
Iti panakiuman ti Bombo Radyo kenni Attorney Elenita Julia Tabangin-Capuyan, Provincial Supervisor iti Commission on Elections- Benguet, nakasaganan dagitoy iti panang-akomodarda kadagiti agngayangay nu sadino, naiwarasen kadagiti election personnel iti Benguet dagiti nagduduma a trabaho kas iti panagrekord kadagiti logbook, panagreceive, ken panangasistar kadagiti agpalitrato.
Sigun kenni Atty.Capuyan,adu ti nainayon a job order casual iti Baguio City gapu ta adu ti manamnama nga mangipila iti Certificate of Candidacy.
Sigun kenni Atty.Capuyan,ti naan-anay a panagsagan dagitoy ket tapno masigurado ti nasayaat a performanceda iti panang-akomodar kadagiti agngayangay ken tapno masigurado ti naanayas ken organisado a taray daytoy.//Bombo Rob Dominguez
