Ben Madilynn
Ang Department of Budget and Management (DBM) niaprubar sa dugang P1,000 nga election allowance alang sa tanang magtutudlo ug ubang poll workers nga nagserbisyo atol sa bag-ohay lang natapos nga 2025 national and local elections.
Sa usa ka pahayag, ang budget secretary nga si Amenah Pangandaman nagkanayon nga iyang giaprubahan ang pagpagawas sa P758.459 milyunes aron matubag ang panginahanglanon sa badyet alang sa dugang P1,000 nga honoraria sa eleksyon alang sa mga magtutudlo ug poll workers.
Kini dugang pa sa P2,000 nga usbaw sa allowance nga giaprubahan sa DBM sa miaging semana.
Matod ni Pangandaman nga ang dugang honoraria subay sa mando ni Presidente Ferdinand “Bongbong” Marcos Jr., aron pasidunggan ang serbisyo sa mga magtutudlo ug poll workers sa Mayo 12 nga eleksyon.
“Muli po nating nakita ang dedikasyon ng ating mga guro at poll workers sa pagbabantay ng ating mga boto ngayong eleksyon. Kaya naman, sa utos po ng ating mahal na Pangulo, inaprubahan po natin ang additional na pondo para mabigyan sila ng karagdagang honoraria.
“That’s the least we can do to honor their invaluable service. ‘Yan po ay isang paraan ng ating pasasalamat sa kanila,” matod ni Marcos.
“Nakikinig po tayo — lalo na sa hinaing ng ating mga guro na karamihan po, inabot pa ng madaling araw o hindi na natulog para siguraduhing bawat boto natin ay mabibilang nang tama at mapoprotektahan,” dugang pa niya.
Matod ni Pangandaman nga ang dugang election allowance madawat na sa mga magtutudlo ug ubang poll workers sulod sa 10 ka adlaw gikan niadtong Mayo 12.
Sa usa ka pahayag, ang Education Secretary nga si Sonny Angara nagpahayag sa iyang pasalamat sa dugang kompensasyon nga nagpasiugda sa importansya niini sa liboan ka mga magtutudlo ug kawani sa publikong eskwelahan nga taas og oras nga nagserbisyo aron bantayan ang proseso sa eleksyon sa nasod.
“We thank President Marcos and DBM Secretary Pangandaman for their swift action to recognize the dedication of our teachers who served as poll workers. Every hour they spent at the precincts, many working past midnight, is a testament to their public service,” matod ni Angara.
Gipunting sab ni Angara nga ang pagpangandam sa mga magtutudlo ug kawani nakatampo sa rekord nga taas nga turnout sa mga botante karong tuiga. / TPM / SunStar Philippines
Source: DBM midugang P1,000 sa election allowance
