Pulong pagka ‘speaker of the House’?

GIKOMPIRMA ni Vice President Sara Duterte niadtong Sabado, Mayo 17, 2025, nga iyang gituki ang posibilidad sa House Speakership uban sa iyang igsuon, Davao City First District Representative Paolo “Pulong” Duterte, human sa 2025 midterm elections.

Namulong sa mga lokal nga tigbalita human sa gipahigayon nga “Thanksgiving Mass” sa Carmelite Church sa J.P. Laurel Avenue, gitin-aw ni Duterte nga way mga kandidato ang niduol kaniya bahin sa pagka-House speakership o Senate presidency.

“Wala akong candidate for speaker or for Senate president. Wala din ako, wala din lumapit sa akin for Speaker or for Senate President. Sinabihan ko si Congressman Pulong. Sabi ko sa kanya baka gusto mo lumaban ng speaker? Hindi pa siya sumagot. Hindi siya sumagot, iniisip din niya siguro yung chances niya na malayo,” matud ni Duterte.

Bisan tuod kung si Pulong wala magpakita og lig-ong interes sa pagka-Speakership—gikonsidera ang highest-ranking position sa Balay Balauranan ug ikaupat nga national line sa succession—nagsuhestiyon si Sara Duterte og alternatibo.

“Well sinabi ko sa kanya, kung hindi ka manalo ng speaker, then kunin mo yung minority. Di ba? But wala pa siyang sagot. So I guess he’s still thinking about it. Siguro. Hindi ko alam,” dugang pa niya.

Si Pulong Duterte, kinsa kanhi nag-alagad isip Deputy Speaker sa 18th Congress, naangkon ang iyang ikatulo ug katapusang sagunson nga termino sa 2025 elections uban ang 203,557 ka boto.

Ang kasamtangan nga si House speaker is Martin Romualdez sa 1st District sa Leyte, kinsa napili sa pagsugod sa 19th Congress niadtong 2022. Ig-agaw ni President Ferdinand “Bongbong” Marcos Jr., si Romualdez nidula og dakong papel sa UniTeam coalition atol sa 2022 elections, bisan tuod kon gihulagway siya ni Sara Duterte isip kontra politikal.

Sa siystema sa lehislatibo sa Pilipinas, ang Speaker pilion pinaagi sa majority vote sa mga miyembro sa Balay Balauranan sa pagsugod sa matag Congress.

Ang Speaker di moboto sa lehislasyon nga buk-on ang panagtabla. Mga magbabalaod molinya sa ilang kaugalingon ngadto sa majority o minority bloc agad sa ilang suporta o oposisyon ngadto sa Speaker, uban ang runner-up sa tigi sa speakership maoy moasumer sa papel isip minority leader. (David Ezra Francisquete)