Karlo, Migs nisaad padayon ang suporta sa pag-uswag sa Davao

MGA abogado nga sila si Karlo Alexei ug Margarita Ignacia “Migs” Nograles opisyal nang nidawat sa ilang kapildihan sa 2025 Davao City mid-term elections, lima ka adlaw human ang Mayo 12 sa bugnong lugaynon.

Bisan pa sa ilang paningkamot, ang magsuon napukan sa mga kandidato nga gipaluyohan sa impluwensiyado nga pamilyang Duterte, kon diin si Karlo napildi sa bugno sa pagka-mayor ngadto kang kanhi President Rodrigo Roa Duterte (FPRRD) ug Migs ngadto ni incumbent 1st district representative Paolo “Pulong” Duterte.

Si Karlo, kinsa nigudkod og 80,852 ka boto, napildi ni Duterte sa boto nga 662,630 sa tigi sa pagka-mayor. Samtang si Migs gibiyaan nga nakakuha og boto nga 49,186, itandi kang Paolo Duterte nga 203,557 ka boto sa iyang subling pagpapili.

Niadtong Mayo 16, Karlo nagpagawas og pahayag nga nagpalasamat sa iyang mga suporter, volunteers, staff, ug pamilya alang sa ilang dedikasyon sa iyang kampanya. Sa iyang mensahe, iyang gipadayag ang dakong pasalamat alang sa ilang sakripisyo ug nagtunol sa iyang pag-ampo alang sa padayong kauswagan ug katunhayan sa Davao City.

“Daghang kaayong salamat sa tanan natong mga higala, volunteers, supporters, katrabaho, staff, ug pamilya sa inyong kakugi, sakripisyo, ug mga pag-ampo. Dili gyud masukod ang akong pagpasalamat kaninyong tanan,” padayag ni Karlo.

Gitapos niya ang mensahe uban ang pag-ampo alang sa kalinaw ug giya alang sa katawhan sa Davao ug sa nasud sa kinatibuk-an. “I will continue to pray for you and your families, that we, the people of Davao and all Filipinos, will continue to be a blessing to others, and may we always be guided by the light and peace of the Lord,” dugang pa niya.

Samtang ang iyang igsuon, Migs, usa sab ka independent candidate, nipalanog sa sentimento sa iyang igsuon niadtong Mayo 17, nagpasalamat sa iyang mga suporter alang sa ilang way paglubad nga dedikasyon. Sa iyang pahayag, iyang giila ang hukom sa Dabawenyos, ug nisaad nga magpadayon sa adbokasiya alang sa kalamboan sa siyudad bisan sa kapildihan.

“Last election, our kababayan have spoken, and we accept and respect the decision of the Dabawenyos,” pahayag ni Migs.

Iyang gipadayag ang padayong niyang pagtuo sa kalapad sa potensiyal sa Davao ug subling gikanayon nga nidagan siya sa katungdanan aron nga makatampo ngadto sa transpormasyon sa dakbayan. “I ran to represent Davao’s first district out of a desire to contribute to the further transformation of the city. That belief remains undiminished even after this exercise,” pagtin-aw niya.

Gitimbaya sab ni Migs ang mga mananaug nga kandidato ug nisaad sa iyang padayong suporta sa kaugmaon sa Davao. “Congratulations to the winning candidates. May your term be marked by unity and progress for all Dabawenyos,” batbat pa niya. “Trust that I will remain ever an ally for real and meaningful change for our people and city.”

Ang pagdawat sa Nograles nahitabo human ang “intense and highly contested race” batok sa pamilyang Duterte, kinsa dugay nang dominante nga pigura sa politika sa Davao City.

Bisan pa sa kapildihan, pabilin ang pamilyang Nograles, impluwensiyado nga puwersa sa politika sa rehiyon, uban sa ilang padayong komitment ngadto sa kalamboan ug pag-uswag sa umaabot sa Davao.

Ang katapusang resulta gipahibalo sa Davao City Board of Canvassers niadtong Mayo 13, 2025. (David Ezra Francisquete)