Mario Bautista
Inaprubaran ni Department of Budget and Management (DBM) Secretary Amenah Pangandaman ti pannakaruar ti Special Allotment Release Order nga aggatad iti P1 billion para iti Marawi Siege Victims Compensation ita a tawen.
Ti alokasyon ket mangipaay iti kompensasyon para iti limagasut pitopulo ket uppat a benepisyaryo kangrunaan kadagiti nadadael a sanikua ken death claim.
Impaganetget iti secretary iti kinapateg iti panagiruar iti pondo kas paset iti agtultuloy a panagtignay iti gobierno a makaited iti tulong kadagiti naapektaran.
Ti tulong pinansyal ket nakailatang para kadagiti biktima iti krisis idiay Marawi di 2017 a gagem a maituloy iti panangted iti kasapulan a suportar para iti rehabilitasyon ken panagbangon manen iti siudad.
