Ben Madilynn
Nilimod ang gikatahong drayber sa suspek sa nahitabong tulis sa Barangay Tisa, Dakbayan sa Sugbo niadtong Dominggo, Septiyembre 22, 2024, nga apil siya sa pagpanulis.
Gilimpyo sa gitumbok nga drayber nga mao si Richard Calunsag alyas “Etchay”, mao ang iyang tinuod nga ngalan, nga dili siya ang drayber sa motorsiklo nga gigamit sa pagsibat sa suspek nga mao ang nakuha sa video sa CCTV footage video.
Niadtong Dominggo sa kaadlawon, usa ka lalaki ang nabiktima sa notadong tulisan sa dalan F. Pacana. Brgy. Tisa, Dakbayan sa Sugbo, pasado alas 3 sa kaadlawon.
Apan nadakpan ang tulisan nga si Jessie Cañete, 26, sa Labangon, Police Station human gialarma nga nagdala og armas sa parehong adlaw.
Gikan sa unang report sa SunStar Cebu niadtong, Setiyembre 22, base sa gihimong imbestigasyon sa Labangon Police Station sa pagpangulo ni Police Major Eraño Regidor nailhan lang sa nga JC Abellar, taga Barangay Pasil ug giingong Richard Calunsag alyas “Etchay” nga taga Ermita base sa pamahayag sa mga nakakita sa video.
Apan, gihimakak kini ni Calunsag, kansang hitabo-a, hinanok iyang pagkatug sa ilang panimalay uban iyang live-in partner.
“Para malimpyo lang gyud akong ngalan mao nga ni surrender ko, wakoy labot ana, wakoy kalibutan nganong naapil ko ana, nganong naa akong pangalan nadawit,” sulti ni Calunsag atol sa ekslusibong interbyu sa SunStar Cebu sa opisina sa Brgy. Ermita niadtong, Martes, Septiyembre 24, 2024.
Midangop si Calunsag sa opisina sa Brgy. Ermita, uban ang iyang pamilya ug live-in partner aron malimpyo ang iyang ngalan.
Si Calunsag mipadayon sa pagsulti, “Ang motor sab nganong gikuha nila, ang yawe nganong gikuha, nganong mao sab ilang gihimo nga ebidensya nga wa man tawn mi mulakaw anang gabhiona, nasakit intawn ko ana, nihubag akong ngipon ana.”
Matod ni Calunsag, sa alas 8 sa buntag niadtong Setiyembre 22, nilakaw siya uban iyang live-in partner kay black out sa Ermita ug niadto sila sa balay sa iyang live-in partner.
Gisaysay usab ni Calunsag nga niadtong Setiyembre 20 nisugod og hubag ang iyang ngipon, rason nga mag-una siya og uli uban iyang live-in partner sa ilang panimalay sa Brgy. Ermita gikan sa pagselebrar sa adlaw sa iyang amahan didto sa Simala, Sibonga niadtong Septiyembre 18 hangtod 19.
Nagpa-check up si Calunsag sa iyang ngipon niadtong Septiyembre 21, 2024.
Apan mitug-an si Calunsag nga siya nagdrayb og e-bike og nakaila niya si Cañete pinaagi sa pamasada sa e-bike.
“Kuyawan nako mogawas oy,” dugang ni Calunsag nga mahadlok na siya mobalik og pamasada sa e-bike tungod sa paglambigit kaniya sa pagpanulis.
Si Calunsag nitahan sa opisina sa Brgy. Ermita og gidala sa station 5 para sa receiving ug ngadto na sa station 10 sa Brgy. Labangon diin na-file ang reklamo.
Ang kapulisan nihulagway kang Cañete nga notadong tulisan nga suspek sa mga sunodsunod nga pagpanulis apan nasikop ning ulahi tungod sa pag-abag sa CCTV footage. / CDF
