Ben Madilynn
Tungod lang sa P60, usa ka 6-anyos nga batang lalaki ang gikadinahan sa iyang kaugalingong inahan alas 8:00 pasado sa buntag, Mayo 23, sa ilang balay sa Sitio San Juan, BarangayMambaling Dakbayan sa Sugbo.
Ang inahan giila lang sa alyas nga “Jessa” 24 ug walay trabaho samtang ang bata mao si alyas “Junjun” pulos nagpuyo sa nahisgutang dapit.
Basi sa imbestigasyon sa kapulisan, ang suspek gidala sa mga barangay tanod sa Mabolo Police Station human dunay naka-report kanila nga dunay bata nga gituohang gi maltrato sa iyang inahan pinaagi sa pagkadena niini sa tiil.
Sa pakighinabi sa suspek kini niangkon nga grabi iyang kalagot sa iyang anak dihang gihilabtan ang iyang kwarta nga P60 .
Nangatarungan ang inahan nga nabuhat niya kadto isip pagdisiplina pagpanghilabot sa bata.
Dihang nakadawat usab sa maong report ang mga sakop sa Department of Social Welfare and Development (DSWS) inabagan usab sa Youth Welfare Unit ug sa Gender and Development (GAD), dali nga gisusi ug gi-rescue ang bata ug makita nga nakaangkon kinig pipila ka mga bun-og.
Nasayran nga ang suspek tiggamitan og ilegal nga drugas.
Nagtingkagol na sa bilangguan ang inahan ug mag-atubang kinig kasong kalapasan sa RA 7610 o Child Abuse.
Source: 6 anyos gikadena sa iyang inahan
