5 ka sakyanan nagkarambola sa Marcelo Fernan Bridge

Nakamugna og grabeng kahuot sa trapiko sa Dakbayan sa Lapu-Lapu ug Mandaue City sa dihang ang usa ka lane sa Marcelo Fernan Bridge nga nabara resulta sa pagkarambola sa lima ka mga sakyanan.

Ang maong vehicular accident nahitabo sa alas 3:00 sa hapon, Biyernes, Mayor 23, 2025 sa ikaduhang taytayan nga nagsumpay sa Mactan ngadto sa mainland Cebu. 

Makita nga involved ang usa ka modern jeepney, adunay duha ka sedan, SUV ug ang jyip de pasayroan nga nagrota og Marigondon-Mandaue ang natumba.

Ang lane nga nanukad sa Lapu-Lapu City paingon sa Mandaue City maoy nabara.

Atol niining pagsuwat nagpadayon ang imbestigasyon sa Traffic Enforcement Agency in Mandaue (TEAM) sa hinungdan sa maong panagdumbol sa naasoyng mga sakyanan ug wa pa sab matino ang kondisyon sa ubang pasahero ug drayber sakay sa maong mga sakyanan. / FVQ