361 a pasahero ti eroplano iti PAL, natalged kalpasan ti napasamak a technical glitch

Awan iti nadangran ken nakababa iti eroplano ti Philippine Airlines dagiti nakalugan a 361 a pasahero ngaagturong idiay Amerika kalpasan a nakapasar ti technical glitch.

Segun ken ni PAL Spokesperson Cielo Villaluna, saan a naka-takeoff ti PAL flight 102 nga agturong idiay Los Angeles, California kalpasan a napansin ti piloto ti technical problem iti taxiway ti runway idiay Ninoy Aquino International Airport.

Naipatulod dagiti bumbero iti Manila International Airport Authority iti nakapasamakan iti insidente kalpasan a nadetect ti asok iti eroplano.

Nagkiddawen ti pammakawan ti airline kadagiti naapektaran a pasahero.