![](https://trend.slink.ph/wp-content/uploads/sites/11/2024/07/0-1-267x150.png)
30 a tattao ti natay idinto a 100 a sabsabali dagiti nasugatan iti suicide bombing idiay Nigeria
![](https://img.bomboradyo.com/laoag/2024/07/0-1.png)
LAOAG CITY – Saan a nababbaba ngem 30 a tattao ti natay ken nasurok a 100 a sabsabali dagiti nasugatan kalpasan ti nagsasaruno a panagpabettak dagiti suicide bomber iti nagduduma a lugar idiay Nigeria.
Segun ken ni Alhaji Mohammed Shehu Timta, ti Emir ti Gwoza a ti umuna a panagatake a napasamak idi sabado ket inpatungpal ti maysa a babai.
Kinondenar ni Nigerian President Bola Tinubu dagiti panagatake ken inawagan na a desperado dagiti terorista iti ar-aramiden da.
Kuna ni Tinubu a ti gobierno na ket agtigtignay tapno masigurado ti kinatalged ti umili.
Inkari na pay a pagsungbaten na dagiti rumbeng nga agsungbat kadagiti nagsasaruno a napasamak a panagatake iti pagilyan da.
Agpapan ita ket awan pay ti grupo a nangadmitir nga adda iti likudan dagiti nasao a pasamak.