25 ka tuig nga gihuwat!

Si Pascal Siakam ni­pabuhagay og 31 ka puntos samtang si Ty­rese Haliburton nibuhat og 11 sa iyang 21 puntos sa fourth quarter para sa Pacers nga motahas sa ilang unang finals appearance sukad tuig 2000.

Sa katibuk-ang his­to­ry sa franchise kaduha pa sila nakatamak sa NBA Finals, mao kini sa tuig 2000 nga gipangulohan ni coach Larry Bird ug karong 2025 nga gitimon ni coach Rick Carlisle.

“Pascal and Tyrese put us on their backs and made sure we would not lose,” matod ni Carlisle sa mga fans nga nagsul-ob og bulawan nga sinina ug mitindog hangtod sa kataposan sa dula. “But our work has just begun.”

Nakuha ni Siakam ang Larry Bird Trophy isip MVP sa Eastern Conference Finals,

“This is no time to be popping champagne,” padayag ni Carlisle, nga midaug usab og championship isip coach sa Dallas Mavericks niadtong 2011. “When you get to this point of the season, it’s two teams and it’s one goal. So it becomes an all or nothing thing and we understand the magnitude of it.”

Ang Pacers mosangka sa West champion Oklahoma City Thunder sa NBA Finals nga sugdan karong Biyernes didto sa Oklahoma City. / RSC