16 a babarangay iti La Trinidad Benguet, naideklaran a drug-free

Drug-free itan dagiti amin a barangay iti La Trinidad, Benguet.

Sigun kenni La Trinidad Mayor Romeo Salda, naawat ti deklarasyon manipod iti drug enforcement board a maibilangen a drug free ti nasao a munisipyo pakairamanan ti Barangay Pico ken Barangay Balili.

Kagiddan dayta, impanamnama ti mayor nga iti baet ti nagun-odda a balligi ket agtultuloy ladta a maipatungpal dagiti programa kas iti seminar tapno mapagtalinaed a drug free daytoy.

Kabaytanna, innayon ni Mayor Salda a kadagiti maipatpatungpal a buy-bust operations, kadawyan a saan a taga La Trinidad dagiti maar-arestar nu di ket agtataud dagitoy iti sabali a lugar ken iti laeng nasao a munisipyo ti panakaang-angayan ti transaksyon.//Bombo Rob Dominguez