12th Gong Festival, balligi a naipatungpal ita nga aldaw sadiay Melvin Jones, Baguio City
Ben Madilynn
Balligi a naipatungpal ti 12th Baguio Gong festival 2024 sadiay Melvin Jones Ground, Baguio City ita nga aldaw kas panangrambak iti National Indigenous People’s Month ita a bulan ti Oktubre.
Daytoy a selebrasyon ket addan iti teama a “Gongs for peace, a harmony of heritage and ancestral reverence” ken ditoy a naipakita ti nabaknang a kultura ti rehiyon Cordillera.
Nakipassetan met daytoy ti agarup tallo pulo a nagduduma a cultural group manipud iti nagduduma a probinsya iti rehiyon Cordillera a pakiramanan ti Betag Talibeng Cultural Ensemble, Iyaman Cultural Group, Kontad Cultural Group ken dadduma pay.
Nagserbi kas guest speaker ni Mayor Benjamin Magalong ken Gladys Vergara, ti Chairperson of the Baguio Tourism Council iti daytoy nga okasyon.
Kabayatanna, maipatungpal ti Indigenous games inton Oktubre a trese iti agdama a tawen sadiay metlang Melvin Jones, Baguio City.
