12 hours shift sa PNP ipadayon sa PRO7 sa police station

Mosunod ang Police Regional Office (PRO)7 sa kamanduan sa bag-ong hepe sa Philippine National Police (PNP) nga si Police General Nicolas Torre III labot sa pag implementar sa walo ka oras nga duty sa kapulisan.

Matod ni Police Brigadier General Redrico Maranan ang hepe sa kapulisan sa Central Visayas nga atol sa ilang command conference uban sa chief pnp ilang nasabutan nga ang pagpatuman sa walo ka oras nga duty sa mga personnel magdepende kini sa usa ka lugar kung unsa kini ka epiktibo.

Iyang gipasabot nga kon gikinahanglan sa usa ka police station nga mo-duty ang polis sa 12 ka oras sa usa ka adlaw wala mosupak niini ang PNP chief labi na sa mga far flung area sama sa mga isla sa probinsya.

 Apan iyang giklaro nga iyang ipatuman ang walo ka oras nga duty sa mga urban centers o kadtong highly urbanize areas sama sa Dakbayan sa Sugbo, Mandaue ug Lapu-Lapu.

“Depende yan sa ating chief of police, depende sa peculiarities ng bawat lugar for example kung ikaw ay nanduon sa isang isla for example sa Pilar ano ba ang effective na dutyhan doon nang polis effective ba duon ang 8 hours effective na duon ang 12 hours, kung ikaw naman ay nasa highly urbanize areas katulad ng Cebu City Lapu-Lapu and Mandaue ano ba ang effective duty hours ng mga polis dyan, but we will comply doon sa 8 hours duty na sinasabi ng ating Chief PNP specially doon sa mga urban centers yung mga highly urbanize areas,” matod ni Maranan.

Matod ni Maranan nga maayo ang tinguha ni Torre aron usab nga makauban sa mga polis sa taas nga panahon ang ilang mga pamilya.

Una na nga nibutyag si Torre nga ang 12 ka oras nga duty sa usa ka polis dili na kini epiktibo sa iyang trabaho tungod sa kakapoy na.

Lakip sa ilang palambuon ang 3 minutes to 5 minute response time sa mga polis sa usa ka alarma nga mao usab ang programa ni Torre.

Matod ni Maranan nga atol sa iyang paglingkod isip hepe sa PRO-7 mao na kini ang kamanduan ni President Ferdinand Bongbong Marcos ang pagpakusog sa ilang emergency response nga mao usab karon ang tinguha sa ilang PNP Chief.

Ang PRO-7 una na nga nilusad og Emergency Alert Button App pipila ka buwan ang nakalabay diin ang tanang unit sa kapulisan mabasahan kini ug dali nalang unya ang pagresponde.

Ning bag-ong programa sa PNP, ang publiko gipahibawo nga inay nga moadto sa police station motawag nalang kini sa 911 hotline kung dunay alarma o emergency diin sulod sa tulo ngadto sa lima ka minutos maabot na ang mga polis.

“So yung 3 minute to 5 minute response time na ating gagawin ay gagawin natin yan dito sa region 7 bilang pagtalima sa kautosan ng ating pangulo at pagtalima natin din sa instruction ng ating bagong chief PNP,” dugang ni Maranan.

Pahugtan pa nila ang ilang police visibility nga una niya nga gipatuman aron nga mabati ug makita ang presensya sa mga polis sa karsada.

Kini ang pamaagi nga mapugngan ang usa ka krimen tungod sa mga polis nga naa sa karsada. / AYB