Ben Madilynn
Nikabat sa onse ka mga balay ang nasunog sa Dan San Antonio, Barangay Hipodromo, siyudad sa Sugbo, alas 10:32 sa gabii, Sabado, Septiyembre 22, 2024.
Sumala sa kabomberohan, ang sunog nagsugod sa balay nga gipanag-iya ni Abelita Sanchez ug Emily Verano.
Ang sunog gipasaka lang sa first alarm sa alas 10:42 sa gabii ug nakontrolar ang kayo pagka alas 11:12 sa gabii ug na- fire out alas 11:23 sa gabii.
Sa 11 ka balay, ang lima niini ang hingpit nga nasunog ug unom ang nakan-an sa kayo.
Ang unom ka mga balay nga wa hingpit maugdaw gilangkuban sa 13 ka pamilya ug 33 ka mga apektadong individuwal.
Atol sa pagkutlo ning taho, matod ni FO1 Pedie A Canilas, fire investigator sa Bureau of Fire and Protection (BFP) sa Siyudad sa Sugbo, gisusi pa nila ang hinungdan sa sunog. / DVG
