11 a tattao, natay gapu iti napasamak a landslide ken flash flood idiay Nepal

LAOAG CITY – Umabot ti 11 a tattao ti natay gapu iti napasamak a landslide ken flash flood idiay Nepal.

Inbatad ni police spokesperson Dan Bahadur Karki a malaksid kadagiti natay ket adda pay ti walo a sabsabali a mapukpukaw ken 12 a nasugatan iti insidente.

Napasamak ti landslide ken flash flood kalpasan ti sumagmamano nga aldaw a pinagtudo na ti napigsa iti lugar.

Inpakaammo ni Karki a gapu iti napasamak ket saan paylaeng a madalyasatan dagiti kalsada.

Naibilin met kadagiti residente nga agtalinaed a naridam  iti possible a pannakapasamak pay ti layos.