Ben Madilynn
Usa ka pamilyahan nga gilangkuban sa 18 ka tawo nga mopahimulos unta sa long weekend ang wa na mahinayon sa ilang outing sa dihang ang van nga gisaksan na-aksidente.
Ang maong insedente nahitabo niadtong Dominggo sa gabii, Agusto 25, 2024 sa Transcentral Highway (TCH), Barangay Cansomoroy, Lungsod sa Balamban, Sugbo.
Base sa nahipos nga kasayuran sa Balamban Police Station nga ang Hi-Ace Commuter van gimaneho sa usa ka gihinganlan og Joebert, 42 nga taga-Barangay Agus, Lapu-Lapu City.
Ang maong sakyanan samtang nagsubay sa TCH nga nagdulhog niadtong higayona, giingong nawad-an og preno.
Gumikan kay wa na makontrolar ang maong sakyanan midusmo kini sa electrical post.
Ang mga pasahero nga sagad taga Barangay Maribago, Lapu-Lapu City nga adunay mga hamtong ug menor de edad nga sakay ang gikatahong naangol.
Ang mga angol dali nga gidala sa Balamban District Hospital. / DVG
